İranın Kürdüstan əyalətində sərhədçilərlə qaçaqmalçılar arasında atışma olub.
APA-nın Tehran bürosunun məlumatına görə, insident ötən axşam baş verib.
İran sərhədçiləri 3 nəfəri saxlayıb. Bildirilib ki, saxlanılanlardan biri İrana qaçaqmalçılıq yolu ilə spirtli içkilər gətirən dəstənin başçısıdır.
Məlumatda o da qeyd olunub ki, hadisə nəticəsində sərhədçilərdən bir nəfər zabit həyatını itirib, bir neçə nəfər isə xəsarət alıb.