İranda ötən sutkada koronavirusdan 68 nəfər ölüb

İranda ötən sutkada koronavirusdan 68 nəfər ölüb
  • Clock-gray 15:17
  • calendar-gray 20 Fevral 2021

İranda ötən sutka ərzində yeni növ koronavirus (COVID-19) infeksiyasından 68 nəfər ölüb.

APA-nın Tehran bürosunun məlumatına görə, bu barədə İranın Səhiyyə, Müalicə və Tibbi Təhsil Nazirliyinin sözçüsü Sima Sadat Lari bildirib.

O deyib ki, bununla da İranda koronavirusdan ölənlərin sayı 59 409 nəfərə yüksəlib.

Nazirlik rəsmisinin sözlərinə görə, İranda ötən 24 saat ərzində 7922 nəfər koronavirusa yoluxub. Beləliklə İranda koronavirusa yoluxanların sayı 1 566 081 nəfərə çatıb.

Koronavirus daşıyıcılarından 3677 nəfərin vəziyyəti ağır qiymətləndirilir.

Sima Sadat Lari qeyd edib ki, İranda indiyədək 1 337 877 nəfər koronavirusdan sağalıb.

Süleyman Fərzəliyev

Digər xəbərlər