İranın Qum əyalətində Sələfçeqan sənaye şəhərciyində yanğın baş verib.
APA-nın Tehran bürosunun məlumatına görə, yanğın nəticəsində şəhərcikdə çalışan fəhlələrdən bir neçə nəfər xəsarət alıb.
Hadisə yerinə təcili yardım avtomobilləri və helikopter cəlb olunub. Yaralılardan 4 nəfər helikopterlə Behişti adına xəstəxanaya çatdırılıb. 4 nəfər isə hadisə yerində müayinə olunub.
Yanğın nəticəsində indiyədək iki nəfərin həyatını itirdiyi bildirilir.