On ay əvvəl İran ərazisində tutulan fransalı turist Benjamen Brierə qarşı casusluq ittihamı irəli sürülüb.
APA-nın Tehran bürosunun məlumatına görə, bu barədə müttəhimin vəkili Səid Dehqan deyib.
Fransa vətəndaşı casusluq və İrana qarşı təbliğat aparmaqda təqsirləndirilir.
B. Brier İran-Türkmənistan sərhədi yaxınlığında icazəsiz olaraq pilotsuz uçuş aparatı qaldıraraq qadağan olunmuş ərazilərdən foto və video çəkiliş apardığı üçün 10 ay öncə saxlanılıb.