Pakistan Silahlı Qüvvələri ölkənin şimalındakı Qilqit-Baltistan əyalətinin Astor bölgəsindəki xizək kurortunda qar uçqunu altında qalan 22 tələbəni uğurla xilas edib.
APA TASS-a istinadən xəbər verir ki, bu barədə Pakistan Müdafiə Nazirliyinin açıqlamasında bildirilib.
Məlumata görə, Lahor Universitetinin 22 tələbəsi dağ-xizək kurortunda gəzinti zamanı şiddətli torpaq sürüşməsi nəticəsində qar uçqununun altında sıxılmış vəziyyətdə qalıblar.
Dərhal universitet rəhbərliyi ölkənin silahlı qüvvələrində kömək istəyib. Beş gündən sonra ordunun köməkliyi ilə tələbələrin həyatı xilas edilib.
Qeyd edək ki, yanvar ayının əvvəllərindən başlayaraq Pakistanın bir neçə əyalətinə güclü qar yağıb. Ümumilikdə, yanvarın 11-dən ölkədə təbii fəlakət üzündən 100-dən çox insan ölüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
