Suriya ordusu İdlib əyalətindəki Karratin əl-Kəbir kəndinə girməyə çalışan yüzlərlə "Həyat Təhrir əş-Şam" terrorçularının hücumunu dəf edib.
APA “RİA Novosti”yə istinadən xəbər verir ki, bu barədə Döyüşən tərəflərin barışıq Mərkəzinin rəhbəri general-mayor Yuri Borenkov bildirib.
Onun sözlərinə görə, axşam saat 19:00 radələrində terrorçular minalanmış avtomaşının köməyi ilə Sukayyat kəndinin şimalında yerləşən Suriya ordusunun mövqelərinə hücuma keçmək istəyiblər. Kamikadze-sürücü hökumət qüvvələri tərəfindən məhv edilib.