Suriyanın paytaxtı raket hücumlarına məruz qalıb

03:10
23 Dekabr 2019

Dəməşqdə partlayış səsləri eşidilib. Suriyanın dövlət televiziyası hava hücumundan müdafiə sistemlərinin raket zərbələrini dəf etməsi barədə məlumat yayıb.

APA “RİA Novosti”yə istinadən xəbər verir ki, gecə saatlarında Dəməşqdə azı iki güclü partlayış olub.

“Suriyanın hava hücumundan müdafiə sistemləri Dəməşqdə raket zərbələrinin qarşısını alıb, raketlər ölkənin işğal olunmuş ərazilərindən atılıb”, - deyə dövlət kanalı olan “Ikhbariya” xəbər verib.

Telekanalın məlumatına görə, raketlərdən biri Dəməşqdən 20 km cənub-şərqdə Akraba kəndi ərazisinə düşüb.