Türkiyənin Xarici İşlər naziri Mövlud Çavuşoğlu bu gün Böyük Britaniyaya səfər edəcək.
APA-nın yerli bürosunun xəbərinə görə, bu barədə Türkiyə Xarici İşlər Nazirliyi (XİN) məlumat yayıb.
Bildirilib ki, Türkiyə XİN başçısı britaniyalı həmkarı Dominik Raabla keçirəcəyi görüşdə “Brexit”dən əvvəl və sonra Türkiyə-Böyük Britaniya ikitərəfli əlaqələrini müzakirə edəcək.
Nazirlər turizm, yeni növ koronavirus (COVİD-19) infeksiyası ilə mübarizə, regional və beynəlxalq məsələlərlə bağlı da fikir mübadiləsi aparacaqlar.