Türkiyə XİN sözcüsü: “Rəsmi İraqın PKK ilə mübarizəmizə dəstək olacağına ümid edirik”

Türkiyə XİN sözcüsü: “Rəsmi İraqın PKK ilə mübarizəmizə dəstək olacağına ümid edirik”
  • Clock-gray 23:32
  • calendar-gray 18 İyun 2020

"Türkiyə Silahlı Qüvvələrinin (TSQ) İraqın şimalında terrorçulara qarşı apardığı əməliyyatlar Türkiyənin milli təhlükəsizliyini qorumağa xidmət edir”.

APA-nın yerli bürosunun xəbərinə görə,  bu barədə Türkiyə Xarici İşlər Nazirliyinin (XİN) sözcüsü Hami Aksoy bildirib.

Diplomat deyib ki, TSQ-nin “Pəncə-Qartal” və “Pəncə Pələng”  hərəkatları həm də İraqın ərazi bütövlüyü və suverenliyini təhlükə altında qoyan PKK terror təşkilatını hədəfə alır: “Bu məsələlər Bağdaddakı  səfirimiz tərəfindən rəsmi İraqa çatdırılıb. Ümid edirik ki, qonşu İraq PKK ilə mübarizəmizdə Türkiyəyə dəstək olacaq” .

Qeyd edək ki, Türkiyə ordusu İraqın şimalında iyunun 14-dən “Pəncə Qartal” hərəkatı ilə havadan, iyunun 17-dən isə “Pəncə Pələng” əməliyyatı ilə qurudan hücumlarla PKK terror təşkilatı ilə mübarizəyə başlayıb. 

İraq hökuməti bu gün Türkiyənin Bağdaddakı səfirini çağıraraq TSQ-nin əməliyyatlarına  etirazını bildirib.

 

Sevil Ünal Hilalqızı

Digər xəbərlər