Türkiyədə 4,5 bal gücündə zəlzələ olub, bir neçə evdə çatlar əmələ gəlib

Türkiyədə 4,5 bal gücündə zəlzələ olub, bir neçə evdə çatlar əmələ gəlib
  • Clock-gray 00:04
  • calendar-gray 23 Yanvar 2020

 

Türkiyənin Manisa vilayətinin Akhisar rayonunda 4,5 bal gücündə zəlzələ olub.

APA-nın Türkiyə bürosunun xəbərinə görə, yerli vaxtla 22:22-də baş verən zəlzələ İstanbul, Bursa, İzmir, Afyon, Uşaq kimi bir çox şəhərlərdə hiss edilib. 

Kandilli Rəsədxanasından verilən məlumata görə, eyni nöqtədə yerli vaxtla saat 22.25-də 4,4 bal gücündə təkanlar qeydə alınıb. 

Qeyd edək ki, gün ərzində eyni ərazidə bir neçə dəfə zəlzələ baş verib. Saat 17:46-da 4,1, 16:49-da 3,3 və 16:18-də isə 3,2 maqnitudada təkanlar hiss edilib. 

Saat 22:22-də baş verən yer silkələnməsində Akhisar rayonunun Çəltikli məhəlləsində bir neçə evdə çatlar əmələ gəlib. Hələlik yaralılar və digər dağıntılar barədə məlumat yoxdur. 

 

Sevil Ünal Hilalqızı

Digər xəbərlər