Türkiyədə karbohidrogen yataqlarını öyrənmək üçün yeni metod tapılıb

Türkiyədə  karbohidrogen yataqlarını öyrənmək üçün yeni metod tapılıb
  • Clock-gray 07:18
  • calendar-gray 04 May 2020

Türkiyənin Mərmərə və İstanbul Texniki universitetlərinin alimləri karbohidrogen yataqlarının istismarında yeni üsul tapdıqlarını bildiriblər. 

APA-nın yerli bürosunun “Anadolu” xəbər agentliyinə istinadla verdiyi məlumata  görə, universitetin Coğrafiya Fakültəsindən dosent Atilla Karataş bildirib ki, Türkiyədə ənənəvi üsulla qazma-kəşfiyyat işləri çox xərc tələb etdiyinə görə karbohidrogen yataqlarının xəritəsinə uyğun olaraq həmin ərazilərdəki yeraltı suları tədqiq etməklə laylardakı neft, qaz mənbələrindən məlumat əldə etmək mümkündür. 

Alim deyib ki, indiyə qədər tətbiq edilən metodlarla Türkiyədə ehtiyat neft-qaz yataqları əlverişli şəkildə öyrənilməyib.

İstanbul Texniki Universitetinin Neft-Qaz Mühəndisliyi fakültəsindən Yıldıray Palabıyık vurğulayıb ki, Türkiyədə karbohidrogen yataqlarının geoloji quruluşu bir çox ölkələrdən fərqlidir. 

Alim Türkiyənin 6 müxtəlif geoloji quruluşlu bölgəsindən alınan su nümunələrinin 3 fərqli laboratoriyada ciddi analiz olunduğunu və gözlənən nəticənin əldə edildiyini bildirib. 

Həmin ərazilərdə kifayət qədər neft və qaz potensialının olduğu öyrənilib. 

Qeyd edək ki, yeraltı suların tədqiqi ilə neft-qaz yataqlarının kəşfiyyatı metodu Azərbaycanda da tətbiq olunur.

 

Sevil Ünal Hilalqızı

Digər xəbərlər