Əfqanıstan Prezidenti: “Taliban” kimi ünsürlərlə mübarizəni davam etdirəcəyik”

Əfqanıstan Prezidenti: “Taliban” kimi ünsürlərlə mübarizəni davam etdirəcəyik”
  • Clock-gray 16:28
  • calendar-gray 25 Oktyabr 2019

“Azərbaycanın sədrliyi Qoşulmama Hərəkatına yeni siyasi canlanma gətirəcək və bu ölkənin sədrliyi altında müsbət nailiyyətlər əldə olunacaq”.

APA-nın xəbərinə görə, bunu bu gün Qoşulmama Hərəkatına üzv ölkələrin dövlət və hökumət başçılarının XVIII Bakı Zirvə Görüşünün debat müzakirələrində Əfqanıstan Prezidenti Əşrəf Qani deyib.  

O bildirib ki, Hərəkat üzv ölkələr “Bandunq Prinsipləri” əsasında ümumi müqaviməti gücləndirməlidirlər: “Bunun sayəsində dağıdıcı qüvvələrə qarşı dözümlü ola bilərik. Bu gün transsərhəd terror şəbəkələri bizlərə qarşı təhdid törədir. Buna görə də biz əlaqələrimizi koordinasiya etməliyik. Ölkələrin gəncliyi üçün böyük təhlükə olan narkotrafikin qarşısının alınması üçün birgə əməkdaşlıq etməliyik. Bizim siyasi cəsarətimiz olmalıdır. Bu gün beynəlxalq arenada oyun qaydaları müstəqil görünsə də, lakin “Bandunq Prinsipləri”ndən uzaqdır. Bu prinsiplər tez-tez pozulur. Xalqlarımızın sabit gələcəyi üçün həll yolları tapılmalıdır. Qoşulmama Hərəkatı nailiyyətlər əldə edib, amma biz yenə də mübarizliyimizi nümayiş etdirməli, əlaqələrimizdə yaradıcı olmalıyıq ki, sülh quruculuğunda qarşımızda duran vəzifələrin öhdəsindən gələ bilək”.

Uzun illərdir ölkəsinin böhranla üzləşdiyini xatırlana Əfqanıstan Prezidenti bunu dövrün faciəsi adlandırıb: “Son illərdə Əfqanıstan rəhbərliyi tərəfdaşlarından maliyyə yardımı alıb, onlar bizim ölkəmizdə sülh və sabitliyin bərpası üçün dəstək verib, amma biz istənilən nəticəni hələ də əldə edə bilməmişik və bu istiqamətdə səy göstəririk. 2015-ci ildən bəri ölkədə vətəndaş müharibəsi səngiyib, silahlı qüvvələrimiz ölkənin 90 faizinə nəzarəti təmin edib. “Taliban” kimi ünsürlərlə mübarizəni davam etdirəcəyik. Biz sülhün bərpasını istəyirik və bununla bağlı bütün təşəbbüslərə qoşuluruq. Qoşulmama Hərəkatında olmağımız da buna görədir, burdakı ölkələrlə dostluq münasibətlərimiz var”.

Ə. Qani Əfqanıstan sülh danışıqlarına hazır olduğunu bəyan edib:  “Biz tərəfdaşlarımızla eyni masa arxasında əyləşərək davamlı sülh üçün dialoqa hazırıq. Biz istəyirik xalqımızın parlaq gələcəyini təmin edək, bütün dünya və qonşularla dost münasibətlərini qoruyub saxlayaq”.

Zümrüd Paşkin

Digər xəbərlər

Arxiv

date