İranın Neft naziri Bijan Namdar Zəngən ölkələr arasında gərginliyə baxmayaraq, Səudiyyə Ərəbistanının yeni Enerji nazirini köhnə dostu adlandırıb.
APA-nın "Reuters"ə istinadən verdiyi xəbərə görə, bu barədə İranın Neft naziri Moskvada keçirilən “Rusiya Enerji Həftəsi” adlı Beynəlxalq Forumda çıxışı zamanı deyib.
"Şahzadə Əbdüləziz bin Salman əl-Səud 22 illik dostumdur”, - deyə iranlı nazir deyib.
Qeyd edək ki Səudiyyə kral ailəsinin üzvü, şahzadə Əbdüləziz bin Salman əl-Səud ötən ay Səudiyyə Ərəbistanının Enerji naziri təyin olunub.