Ərdoğan: “Hələ də 100-ə yaxın ölkə peyvənd əldə edə bilməyib”

Ərdoğan: “Hələ də 100-ə yaxın ölkə peyvənd əldə edə bilməyib”
  • Clock-gray 13:01
  • calendar-gray 30 Mart 2021

“Türkiyə pandemiya ilə mübarizə çərçivəsində 157 ölkə və 12 beynəlxalq təşkilata tibbi yardım və dəstək göstərib. Xüsusən afrikalı qardaşlarımızı bu çətin vəziyyətdə tək qoymadıq”.

APA-nın xəbərinə görə, bunu Türkiyə Prezidenti Rəcəb Tayyib Ərdoğan BMT-nin dövlət və hökumət başçılarının iştirakı ilə təşkil etdiyi “COVID-19 və ondan sonra inkişafın maliyyələşdirilməsi” adlı onlayn tədbirdə çıxışı zamanı deyib.   

O bildirib ki, COVID-19 pandemiyası qlobal sistemdəki çatışmazlıqları bir daha gün üzünə çıxarıb.

“Dünyanın ən zəngin ölkələrini belə hazırlıqsız haqlayan pandemiya daha az inkişaf etmiş ölkələrdə ciddi fəsadlara səbəb olub. Hələ də 100-ə yaxın ölkə peyvənd əldə edə bilməyib. Peyvəndə ədalətli əlçatanlıq zəmanət altına alınmayacağı təqdirdə pandemiyanın başa çatmayacağı ortadadır. Yerli peyvənd istehsalı ilə bağlı çalışmalarımız başa çatdıqda peyvəndimiz ən uyğun şərtlərdə bəşəriyyətin istifadəsinə təqdim olunacaq”, - deyə Türkiyə Prezidenti vurğulayıb.

apa-logo-mini

Digər xəbərlər