Ərdoğan Suriya hakimiyyətini hədələyib

 Ərdoğan Suriya hakimiyyətini hədələyib
  • Clock-gray 13:06
  • calendar-gray 05 Fevral 2020

“Əgər fevral ayının sonuna kimi Suriya ordusu müşahidə məntəqələrimizdən geri çəkilməsə, Türkiyə bu işi şəxsən özü etmək məcburiyyətində qalacaq. Rusiya Prezidenti Vladimir Putinlə telefon danışığı zamanı da bunu bildirdim”.

APA-nın NTV telekanalına istinadən verdiyi xəbərə görə, bunu Türkiyə Prezidenti Rəcəb Tayyib Ərdoğan Ədalət və İnkişaf Partiyasının (AKP) qrup iclasında deyib.

“2015-ci ildən etibarən Suriyadakı böhran tamamilə nəzarətdən çıxıb. Suriya hökuməti ilə 1998-ci ildə imzaladığımız “Adana razılaşması” Türkiyənin Suriya ərazisində hərbi əməliyyatlar aparmaq haqqını tanıyır. Bu çərçivədə ilk olaraq 2016-cı ilin avqustunda “Fərat qalxanı” hərəkatını başlatdıq. 3 mindən çox İŞİD-çi zərərsizləşdirildi. “Fərat qalxanı” İŞİD-ə qarşı aparılan yeganə ciddi hərbi əməliyyatdır. İŞİD-in belini qırdıq. 2017-ci ildə Astana danışıqları başladı. 2018-ci ilin yanvar ayında “Zeytun budağı” hərəkatı nəticəsində Afrini terrorçulardan təmizlədik. Zərərsizləşdirilən terrorçuların sayı 4500-ə çatdı. İdlibdə hərbçilərimizə edilən hücum Türkiyə baxımından Suriyada yeni bir dövrün başlanğıcıdır”, - deyə Ərdoğan vurğulayıb.

 

Sevil Ünal Hilalqızı

Digər xəbərlər