Suriyanın şimalında yerləşən Rasulayn bölgəsində PKK/YPG terrorçuları tərəfindən Türkiyə Silahlı Qüvvələrinin mövqelərinə hücum edilib.
APA-nın xəbərinə görə, bu barədə Türkiyə Müdafiə Nazirliyi məlumat yayıb.
Məlumatda bildirilib ki, terrorçular minaatanlardan Türkiyə ordusunun mövqelərini atəşə tutublar, habelə hücum zamanı drondan istifadə edilib.
Nəticədə Türkiyə ordusunun 5 hərbçisi yaralanıb.
Türkiyə Silahlı Qüvvələri terrorçulara cavab atəşi açıb.