Tailandda keçid məntəqəsinə hücum zamanı 15 nəfər öldürülüb

Tailandda keçid məntəqəsinə hücum zamanı 15 nəfər öldürülüb
  • Clock-gray 08:25
  • calendar-gray 06 Noyabr 2019

Tailandın cənubunda Yala əyalətindəki keçid məntəqəsinə silahlı hücum edilib. 

APA “Reuters”ə istinadla xəbər verir ki, silahlı insident nəticəsində 15 nəfər öldürülüb, 4 nəfər yaralanıb.

Hüquq-mühafizə orqanları hücumun yerli separatçılar tərəfindən həyata keçirildiyini düşünür. Hökumət rəsmiləri silahlı insidenti son illərdə yaşanmış ən böyük hadisə kimi dəyərləndirib. 

Qeyd edək ki, hadisəni törədən silahlı qruplar 2004-cü ildən bəri Tailandın müsəlmanların kompakt yaşadığı cənub hissəsində məskunlaşıb. 

Onların istəyi yaşadıqları ərazidə - Pattani, Yala və Narathivat əyalətlərində sultanlıq yaratmaqdır. 

Xatırladaq ki, bölgədə silahlı insidentlər və partlayışlar nəticəsində indiyədək 7 minə yaxın insan həlak olub.
 

Rəşad Sarıyev

Digər xəbərlər

Arxiv

date