Seul və Vaşinqton hazırkı mərhələdə Pxenyana qarşı sanksiyaların aradan qaldırılmasını müzakirə etmirlər.
APA-nın TASS agentliyinə istinadən verdiyi xəbərə görə, bunu Cənubi Koreyanın xarici işlər naziri Kan Qön Xva bəyan edib.
“Biz qarşıdan gələn ABŞ-KXDR sammitində denuklearizasiya istiqamətində konkret addımların atılacağını gözləyirik. Bu səbəbdən, sanksiyaların yumşaldılması hələ ki gündəmdə deyil”, deyə nazir qeyd edib.
Onun sözlərinə görə, rəsmi Seul ABŞ-KXDR sammitinin uğurla başa çatacağına ümid bəsləyir.
Qeyd edək ki, ABŞ prezidenti Donald Tramp və Şimali Koreya lideri Kim Çen In arasında görüş iyunun 12-də Sinqapurda keçiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
