Bu gün Livanda parlament seçkiləri keçirilir.
APA-nın "RİA Novosti" agentliyinə istinadən verdiyi məlumata görə, səsvermə yerli vaxtla saat 19.00-da başa çatacaq.
Seçkilərdə 128 yerin olduğu parlament uğrunda 976 namizəd mübarizə aparır. Özünəməxsus məqam isə odur ki, Livanda parlamentdə yerlər 11 etnik-dini qrup arasında bölünüb. Məsələn, parlamentdə sünni müsəlmanlar və şiə müsəlmanların hər biri üçün 27, xristianlar üçün isə 37 yer ayrılıb. Digər tərəfdən, Livan sakinləri 2009-cu ildən sonra ilk dəfə parlament seçkilərində səs verirlər. Çünki hazırkı parlament ölkədəki qeyri-stabil siyasi vəziyyəti əsas gətirərək üç dəfə öz səlahiyyət müddətini uzadıb.
Seçki ilə bağlı ölkədə təhlükəsizlik tədbirləri gücləndirilib.