Səudiyyə kralı: “Qatar S-400 alsa, ona qarşı hərbi əməliyyat keçirəcəyik”

Səudiyyə kralı: “Qatar S-400 alsa, ona qarşı hərbi əməliyyat keçirəcəyik”
  • Clock-gray 14:23
  • calendar-gray 02 İyun 2018

Səudiyyə Ərəbistanı kralı Salman bin Əbdüləziz əl-Səud Fransa prezidentinə məktub göndərib. Məktubda bildirilir ki, əgər Qatar dövləti Rusiyadan S-400 zenit-raket kompleksləri alarsa, Səudiyyə Ərəbistanı bu ölkəyə qarşı hərbi əməliyyat keçirməyə hazır olacaq.

 

APA-nın xəbərinə görə, bu barədə “Monde” qəzeti məlumat yayıb.   

 

Kral məktubunda Moskva və Doha arasında bu mövzuda aparılan danışıqlardan narahatlığını ifadə edib. O, narahatdır ki, Qatarda S-400 sisteminin qurulması Səudiyyə hava məkanının təhlükəsizliyinə mənfi təsir edəcək. “Belə bir vəziyyətdə krallıq hərbi tədbirlər də daxil olmaqla, bu sistemi ləğv etmək üçün bütün lazımi addımları atmağa hazır olacaq”, - deyə məktubda bildirilib.   

 

Kral Fransa prezidentindən xahiş edib ki, bu sövdələşmənin qarşısını alsın.  

 

Qeyd edək ki, 2017-ci ildə Qatar və Rusiya arasında hərbi-texniki əməkdaşlığa dair hökumətlərarası saziş imzalanıb. Qatarın Moskvadakı səfiri Rusiyadan hava hücumundan müdafiə sistemi ala biləcəklərini açıqlayıb.

apa-logo-mini

Digər xəbərlər

Arxiv

date