Cənubi Koreya Prezidenti Yun Sok El ordu, donanma, aviasiya və dəniz piyadalarının komandirləri ilə keçirdiyi iclasda Şimali Koreyanın hərbi təxribatlarına dərhal cavab verməklə bağlı tapşırıq verib.
APA İnterfaks-a istinadən xəbər verir ki, bu barədə Prezidentin ofisi məlumat yayıb.
“Prezident hərbçilərimizə Şimali Koreyanın təxribatı halında dərhal və sərt cavab verməyi tapşırıb”, - açıqlamada deyilir.
Yun Sok El istənilən cavab addımının ABŞ-la sıx koordinasiya şəraitində veriləcəyini əlavə edib.