Cənubi Koreya parlamenti daxili işlər naziri Li Sanq Minin istefaya göndərilməsinə səs verib.
APA xəbər verir ki, bu barədə “Reuters” məlumat yayıb.
Qeyd olunub ki, ölkə konstitusiyasının 75 illik tarixində ilk dəfə olaraq parlament tərəfindən belə bir qərar qəbul olunur.
Qərarın verilməsinə səbəb kimi, keçən il Koreyada Hellouin bayramında 159 nəfərin ölümü ilə nəticələnən izdihamla bağlı fəaliyyəti zamanı nazirin etibarını itirməsi göstərilib.