Əfqanıstanın Səməngan əyalətində mədrəsədə partlayışda ölənlərin sayı 35-ə çatıb.
APA TASS-a istinadən xəbər verir ki, “Haşt-e sübh” qəzeti daha 23 nəfərin yaralandığını yazır.
Qəzetin yazdığına görə, ölənlərin əksəriyyəti mədrəsədə təhsil alan şagirdlərdir.
Meyitlərin və xəsarət alanların mədrəsədən təxliyəsi davam edir.
Bundan əvvəl partlayışın kamikadze-terrorçu tərəfindən törədildiyi bildirilsə də, bu versiya hələlik rəsmi təsdiqlənməyib.
Hakimiyyət orqanları partlayışın səbəbi barədə hələlik açıqlama verməyib.
***
14.30
Əfqanıstanın Səməngan əyalətində mədrəsədə partlayışda ölənlərin sayı artıb.
APA yerli “Tolo News” telekanalına istinadən xəbər verir ki, partlayışda ölənlərin sayı 15-ə çatıb, 27 nəfər yaralanıb.
***
14.19
Əfqanıstanın şimalında partlayış olub.
APA TASS-a istinadən xəbər verir ki, partlayış Səməngan vilayətində, mədrəsədə ibadət zamanı baş verib.
Partlayış nəticəsində azı 10 şagird həlak olub. Yaralananların olduğu bildirilir.