G7 liderlərinin növbəti Sammiti Yaponiyada keçiriləcək.
APA xəbər verir ki, bu barədə G7 liderlərinin Almaniyada keçirilən Sammitinin yekun kommunikesində bildirilib.
"Biz Yaponiya Baş nazirinin 2023-cü ildə Xirosimada növbəti Sammitimizə ev sahibliyi etmək təklifini alqışlayırıq", kommunikedə qeyd olunub.
Yaponiyanın "Kyodo" agentiyi isə hökumət mənbəsinə istinadən yazıb ki, növbəti Sammit 19-21 mayda baş tutacaq.