Birləşmiş Ərəb Əmirliklərinin (BƏƏ) neft infrastukturu dron hücumuna məruz qalıb.
APA WAM agentliyinə istinadən xəbər verir ki, paytaxt Əbu Dabinin Müşəffah səmtinə edilən hücum zamanı neftlə dolu 3 tankerə zərbə endirilib.
Tankerlərin ciddi zədələdiyi bildirilib. Polis dron hücumu zamanı 3 nəfərin öldüyünün, 6 nəfərin isə yaralandığını açıqlayıb.
***
14:29
Yəməndəki üsyançı “Ənsar Allah” qruplaşması (husilər) Birləşmiş Ərəb Əmirliklərinə dronlarla hücum edib.
APA-nın TASS-a istinadən verdiyi xəbərə görə, bu barədə qruplaşmanın rəsmi nümayəndəsi Yəhya Sariya açıqlama verib.
Husilərin BƏƏ-nin infrastruktur obyektlərinə hücum etdiyi bildirilir.
Fakta bağlı ətraflı məlumat verilmir.