İran İslam İnqilabının Keşikçiləri Korpusu (SEPAH) Fars körfəzində qaçaq neft daşıyan tankeri ələ keçirib.
APA-nın Tehran bürosunun məlumatına görə, SEPAH-ın bu gün yayımladığı bəyanatda bildirilib ki, neft tankeri uzun sürən izləmədən sonra təhlükəsizlik qüvvələrinin əməliyyatı nəticəsində bazar günü saxlanılıb.
Tankerin 1 milyon barel həcmində qaçaq neft daşıdığı məlum olub. Gəminin ekipaj üzvü olan 12 əcnəbi həbs olunub.
Onların barəsində cinayət işi başlanılıb.