İranın Vyana müzakirələrinə baxışı xoşgörüşlüdür.
APA-nın Tehran bürosunun məlumatına görə, bunu İranın Xarici İşlər Nazirliyinin sözçüsü Səid Xətibzadə keçirdiyi həftəlik mətbuat konfransında deyib.
O bildirib ki, bəzi qüvvələr, o cümlədən ABŞ İranın müzakirələrə baxışını dəyişməyə çalışır: "Lakin biz onların bu səylərinə fikir vermirik. Müzakirələrdə həmişə nəticəyə diqqət ayırırıq. Müzakirələri ciddi iradəylə və xoşgörüşlə davam etdiririk. Lakin qarşı tərəfin, xüsusilə də ABŞ-ın xoşniyyətli olmasına inanmırıq”.
S. Xətibzadə deyib ki, müzakirələrlə bağlı tələsik fikir bildirməkdən çəkinirlər.
S. Xətibzadə İran və Səudiyyə Ərəbistan arasında aparılan danışıqlar haqqında da danışıb. O qeyd edib ki, iki ölkənin danışıqlarında yeni dəyişiklik baş verməib: “Hələ də rəsmi Ər-Riyadın cavabını gözləyirik və müzakirələrin ciddi olması üçün qarşı tərəfin iradə ortaya qoymasını istəyirik”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
