İranın xarici işlər naziri Hüseyn Əmir-Abdullahian Birləşmiş Ərəb Əmirliklərinə (BƏƏ) səfər edəcək.
APA-nın Tehran bürosu xəbər verir ki, bunu İranın Xarici İşlər Nazirliyinin sözçüsü Səid Xətibzadə bu gün keçirdiyi həftəlik mətbuat konfransında deyib.
Səid Xətibzadə bildirib ki, səfər bu gün BƏƏ-nin Prezidenti Şeyx Xəlifə bin Zayed Al Nəhyanın vəfatı ilə əlaqədar baş tutacaq.
Onun sözlərinə görə, səfər çərçivəsində ikitərəfli əlaqələrin inkişaf etdirilməsi haqqında müzakirələr aparılacaq.