Bu gün naməlum şəxs soyuq silahla İranın Danimarkadakı səfirliyinə hücum edib.
APA-nın Tehran bürosunun məlumatına görə, həmin şəxs səfirlik işçilərini hədələyib, xidməti avtomobillərinə ziyan vurub.
İranın xarici işlər naziri Hüseyn Əmir-Abdullahian isə bu ölkənin Kopenhagendəki səfirinin və səfirliyinin təhlükəsizliyinin təmin olunmamasını kəskin tənqid edib.
O, soyuq silahla silahlanmış təcavüzkarın İran İslam Respublikasının səfirliyinin binasına qanunsuz daxil olması ilə bağlı yaranmış vəziyyəti araşdırıb.