Kabildəki Rusiya səfirliyinin yaxınlığında baş verən partlayış nəticəsində iki rusiyalı - bir diplomat və səfirliyin mühafizəçisi yaralanıb.
APA-nın Moskva müxbirinin məlumatına görə, bu barədə RİA Novosti-yə mənbə bildirib.
Agentliyin həmsöhbətinin sözlərinə görə, hadisə rusiyalı diplomatın viza üçün növbədə olan insanların yanına getdiyi zaman baş verib.
“Partlayış nəticəsində 15-20 nəfər ölüb və ya yaralanıb.
Reuters-in polisə istinadən verdiyi xəbərə görə, kamikadze binaya yaxınlaşmağa çalışsa da, o, mühafizəçi tərəfindən öldürülüb.
Səfirlikdəki mənbə RİA Novosti-yə partlayışın olduğunu təsdiqləyib
11:37
Rusiyanın Əfqanıstandakı səfirliyinin yaxınlığında partlayış olub.
APA "Khaama Press"ə istinadən xəbər verir ki, partlayış Kabilin Darul Salam rayonunda baş verib.
Partlayışın terrorçu-kamikadze tərəfindən törədildiyi təxmin edilir.