Türkiyə milli müdafiə naziri Hulusi Akar Rusiya Federasiyasının müdafiə naziri Sergey Şoyqu ilə telefon danışığı zamanı ikitərəfli və regional müdafiə və təhlükəsizlik məsələlərini müzakirə edib.
APA-nın İstanbul müxbiri xəbər verir ki, bu barədə Türkiyə Milli Müdafiə Nazirliyi məlumat yayıb.
Telefon danışığı zamanı nazir Akar deyib ki, Suriya məsələsinə dair bölgədə sabitliyi pozmağa yönəlmiş artan təzyiq və hücumlara qarşı, mülki yaşayış məntəqələri və vətəndaşları hədəf alanlara lazımi cavab verilib və veriləcək.
O əlavə edib ki, terror təhlükəsinin və dəhlizinin birdəfəlik qarşısının alınması və terror təşkilatlarının zərərsizləşdirilməsi Türkiyənin əsas prioritetidir.
Nazir Akar “Taxıl sazişi”nin uzadılmasına dair Rusiya ilə əməkdaşlıqdan məmnunluğunu da ifadə edib.
***
16:49
Rusiya Federasiyası və Türkiyənin müdafiə nazirləri arasında telefon danışığı olub.
APA-nın Moskva müxbirinin məlumatına görə, Sergey Şoyqu və Hulusi Akar Suriyanın şimalındakı vəziyyəti və ərzaq anlaşmasının davam etdirilməsi ilə bağlı bəzi məsələləri müzakirə ediblər.
Rusiya Müdafiə Nazirliyinin məlumatına görə, telefon danışığı Türkiyə tərəfinin təşəbbüsü ilə baş tutub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
