YPG/PKK terror təşkilatının üzvləri tərəfindən Suriyadan Türkiyənin Qaziantep əyalətinə atılan raket zərbələri zamanı ölənlərin sayı 3-ə çatıb.
APA-nın İstanbul müxbiri xəbər verir ki, daxili işlər naziri Süleyman Soylu jurnalistlərə açıqlamasında raketlərdən 4-nün rayon mərkəzindəki orta məktəb və iki evə düşdüyünü deyib.
O, həyatını itirənlər arasında uşaq və müəllimin olduğunu da açıqlayıb.
***
13:16
Türkiyənin Qaziantep əyaləti Suriya ərazisindən növbəti dəfə raket atəşinə tutulub.
APA-nın İstanbul müxbiri xəbər verir ki, YPG/PKK terror təşkilatının üzvləri tərəfindən atılan 4 raket rayon mərkəzindəki orta məktəb, iki evə və Karkamış sərhəd-keçid məntəqəsi yaxınlığında bir yük maşınına düşüb.
Qeyd olunub ki, hücum nəticəsində iki nəfər həlak olub, altı nəfər yaralanıb.
Yaralılardan ikisinin vəziyyəti ağırdır.