Təbrizdə binanın çökməsi nəticəsində ölənlərin sayı 5 nəfərə çatıb.
APA-nın Tehran bürosunun məlumatına görə, hadisə nəticəsində 15 nəfər xəsarət alıb.
Qeyd edək ki, ötən gün Təbrizin Şəhid Behişti küçəsində 5 mərtəbəli bina qaz partlaması nəticəsində çöküb. Partlayış nəticəsində qonşuluqda olan daha iki binaya ziyan dəyib. Bundan öncə hadisə nəticəsində 12 nəfərin xəsarət aldığı bildirilmişdi.