Terrorçular Suriya ərazisindən Türkiyənin Birecik/Şanlıurfa sərhəd istiqamətində atəş açıb.
APA-nın İstanbul müxbirinin verdiyi xəbərə görə, bu barədə Türkiyə Milli Müdafiə Nazirliyindən bildirilib.
Qeyd olunub ki, hücum nəticəsində Türkiyə Silahlı Qüvvələrinin çavuşu Uğurcan Cirnooğlu şəhid olub, 4 hərbçi yaralanıb.
Terrorçuların mövqeləri müəyyən edilərək, onlara dəqiq zərbələr endirilib.
İlkin məlumata əsasən görə bölgədə 13 terrorçu zərərsizləşdirilib, əməliyyatlar davam edir.