Ankarada torpaq sürşməsi baş verib.
APA NTV-ə istinadən xəbər verir ki, Çankaya rayonunda baş verən hadisə nəticəsində istinad divarı uçub.
Bununla əlaqədar 4 bina və 1 gecəqonduda olan sakinlər ehtiyat tədbiri olaraq təxliyə edilib.
Əldə edilən məlumata görə, əyalət boyu yağan güclü yağışdan sonra Birlik məhəlləsi 408-ci küçədə yerləşən 4 mərtəbəli binanın istinad divarı uçub.
Bu arada, park halında 3 avtomobil uçan istinad divarının altında qalıb.
Bildirilib ki, təxliyə edilən mənzillərdə yaşayan vətəndaşların bir qismi yaxınlarının yanına gedib, bir qismi isə bələdiyyə tərəfindən qonaq evlərinə və mehmanxanalara yerləşdirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
