XİN: Çin Ukraynadakı münaqişənin həllinə yardım etmək niyyətindədir

Qin Ganq

© APA | Qin Ganq

# 08 may 2023 15:33 (UTC +04:00)

"Çin Ukraynadakı münaqişənin həllinə yardım etmək niyyətindədir".

APA xəbər verir ki, bunu Çin xarici işlər naziri Qin Gang “Asharq Al-Awsat” gündəlik nəşrinə müsahibəsində deyib.

XİN rəhbəri vurğulayıb ki, Çin hökuməti Ukraynadakı böhranlı vəziyyətin həllinə kömək edəcək və eyni zamanda ABŞ-ın hegemonluğuna qəti şəkildə qarşı çıxacaq:

“Pekin də Vaşinqtonun hegemonluğuna qəti şəkildə qarşı çıxacaq”, - deyə nazir qeyd edib.

Diplomat onu da əlavə edib ki, Çin Ukrayna böhranının siyasi həllində konstruktiv rol oynayaraq beynəlxalq ictimaiyyətlə qarşılıqlı əlaqəni davam etdirəcək, bununla yanaşı, ABŞ-ın təqiblərinə və hegemonluğuna qətiyyətlə qarşı çıxaraq öz maraqlarını qətiyyətlə müdafiə edəcək.

Çinli diplomatın sözlərinə görə, bir sıra dövlətlər öz eqoist geosiyasi yanaşmalarını rəhbər tutaraq Çin şirkətlərinə qarşı sanksiyalar tətbiq etmək üçün əlverişli fürsət axtarırlar və Ukrayna problemini bəhanə edərək, hətta Tayvana silah tədarükünü artırır, Çinin daxili siyasətinə müdaxilə edirlər.

#
#

ƏMƏLİYYAT İCRA OLUNUR