Koreya Xalq Demokratik Respblıikası (KXDR) tarixində ilk dəfə olaraq həftə ərzində 4 silahı sınaqdan çıxarıb.
APA-nın xəbərinə görə, bunu Yonhap agentliyinə Yaponiyanın müdafiə nazirinin müavini Tosiro İno bildirib.
“KXDR tarixində ilk dəfə olaraq həftə ərzində 4 silahı sınaqdan çıxarıb. Bu da Yaponiyanın, regionun və beynəlxalq ictimaiyyətin təhlükəsizliyi üçün təhdid yaradır. Bu səbəbdən Pekindəki səfirliyimiz vasitəsi ilə Pxenyana etirazımızı bildirdik” - deyə İno qeyd edib.
Xatırladaq ki, ilin əvvəlindən Pxenyan 22 hərbi sınaq həyata keçirib. Son sınaqlar 25, 28 və 29 sentyabrda baş tutub.
****
03.25
Şimali Koreya növbəti raket buraxılışını həyata keçirib.
APA xəbər verir ki, bu barədə Yaponiyanın Müdafiə Nazirliyi məlumat yayıb.
Bildirilir ki, Koreya azı 2 raket atıb. Buraxılan raketlər Yaponiyanın iqtisadi zonasından kənarda dənizə düşüb.