Yaponiyanın Baş naziri Fumio Kişida Ukraynaya dəvət olunub.
APA "JapanTimes"ə istinadən xəbər verir ki, bu barədə Nazirlər Kabinetinin rəsmisi Hirokazu Matsuno mətbuat konfransında bildirib.
Onun sözlərinə görə, yanvarın 4-də Ukrayna Prezident ofisinin rəhbəri Andrey Yermak Yaponiyanın Ukraynadakı səfiri ilə görüşü zamanı Prezident Vladimir Zelenskinin dəvətini səfirə çatdırıb.
“Yaponiya Ukrayna vətəndaşlarının yanındadır... Və G7 sədri kimi müvafiq addımlar atır”, - yaponiyalı rəsmi bildirib.
Xatırladaq ki, bu il Yaponiya G7 sammitinə ev sahibliyi edəcək, may ayında sammit Xirosimada keçiriləcək. Gələn həftə isə Baş nazir Kişida Fransa, İtaliya, Böyük Britaniya, Kanada və ABŞ da daxil olmaqla G7-yə üzv ölkələrə səfər edəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
