Yunanıstanın xarici işlər naziri Nikos Dendias İsrailə səfər edib.
APA xəbər verir ki, bu barədə İsrail XİN bildirib.
Nazir Dendias səfəri çərçivəsində İsrail XİN başçısı Eli Kohenlə görüşəcək. Danışıqlarda Yunanıstan-İsrail əməkdaşlığının enerji, investisiya və müdafiə sahələrində, eləcə də Cənubi Kiprin iştirakı ilə üçtərəfli formatlar çərçivəsində dərinləşdirilməsinin müzakirə olunacağı gözlənilir. Görüşdə beynəlxalq və regional vəziyyət, o cümlədən Yaxın Şərq və Şərqi Aralıq dənizindəki vəziyyət müzakirə olunacaq.
Nikos Dendiasın İsrail Prezidenti İsaak Herzoq və Baş nazir Netanyahu tərəfindən də qəbul ediləcəyi gözlənilir.