Azərbaycan atleti Nazim Babayev növbəti uğurunu qazanıb.
APA-nın məlumatına görə, üçtəkanla tullanmada mübarizə aparan idmançı “World Challange” seriyalı turnirdə mükafata yiyələnib.
O, Xorvatiyanın paytaxtı Zaqrebdə təşkil olunan yarışda 16,68 m nəticə göstərib. N.Babayev yalnız ABŞ idmançısı Kris Benarddan geri qalaraq 2-ci yeri tutub. Gümüş mükafata yiyələnən atlet çempiondan 29 sm aşağı nəticəyə imza atıb.