Almaniyada kafelərə silahlı hücum nəticəsində ölənlərin sayı 11-ə çatıb - YENİLƏNİB-1

Almaniyada kafelərə silahlı hücum nəticəsində ölənlərin sayı 11-ə çatıb - YENİLƏNİB-1
  • Clock-gray 11:34
  • calendar-gray 20 Fevral 2020

Almaniyada kafelərə edilmiş silahlı hücum nəticəsində ölənlərin sayı artıb.

APA-nın “Anadolu” agentliyinə istinadən verdiyi xəbərə görə, hadisə nəticəsində ölənlərin sayı 11-ə çatıb.

Hadisəni törədənin şəxsiyyəti də məlum olub. “Bild” qəzetinin məlumatına görə, cinayəti törədən Almaniya vətəndaşı olan radikal sağçı Tobias R.-dir. 

***

saat 08:20

Almaniyanın Hanau şəhərində 8 nəfəri güllələyərək qətlə yetirən, daha 5 nəfəri yaralayan şəxs polis tərəfindən tutlub. 

APA TASS-a istinadən xəbər verir ki, bu barədə "Bild" qəzeti məlumat yayıb. 

Hüquq-mühafizə orqanlarının əməkdaşları hələlik bu məlumata münasibət bildirməyib.

Nəşr hadisə zamanı ölənlərin etnik kürdlər olduğunu ehtimal edir.

Hadisənin motivləri barədə məlumat verilməyib. 

****

04:10

Almaniyanın Hesse federal əyalətinin Hanau şəhərində bir nəfərin açdığı atəş nəticəsində 8 nəfər ölüb, 5 nəfər yaralanıb.

APA-nın TASS-a istinadən verdiyi xəbərə görə, bu barədə "Bild" qəzeti məlumat yayıb.

Nəşrin məlumatına görə, Hanau polisi xəbəri təsdiqləyib. 

Hüquq-mühafizə orqanlarından bildirilib ki, polis genişmiqyaslı əməliyyata başlayıb, araşdırma aparılır.

 

Rəşad Sarıyev

Digər xəbərlər

Arxiv

date