Almaniyada yeni növ koronavirus (COVID-19) infeksiyasına yoluxanların ümumi sayı 1 milyonu ötüb.
APA-nın “Reuters”ə istinadən verdiyi xəbərə görə, bu barədə Robert Kox İnstitutu məlumat yayıb.
Son sutkada 22 806 yeni yoluxma qeydə alınıb ki, bununla da Almaniyada indiyədək infeksiyaya yoluxanların ümumi sayı 1 006 394 nəfərə çatıb.
Almaniyada indiyədək xəstəlikdən 15 586 nəfər vəfat edib, 696 100 nəfər COVID-19-dan sağalıb.