Avstriyada Prezident iqamətgahında bomba tapılmayıb.
APA-nın "Reuters"ə istinadən verdiyi xəbərə görə, bu barədə Vyana polisi məlumat yayıb.
"Axtarışın nəticəsi mənfidir. Bütün hərəkət bərpa olunacaq və qadağalar qaldırılacaq", - polisin məlumatında deyilir.
Xatırladaq ki, Avstriyanın paytaxtı Vyana şəhərinin mərkəzində yerləşən və bir hissəsində Prezident Aleksandr Vand der Bellenin ofisi yerləşən keçmiş kral sarayına bomba qoyulması barədə məlumat yayılıb.
Hofburq sarayının əməkdaşları və Prezident saraydan çıxarılıb.
Bomba qoyulması barədə xəbərdarlıq elektron məktub vasitəsilə göndərilib.
***
18:21
Avstriyanın paytaxtı Vyana şəhərinin mərkəzində yerləşən və bir hissəsində Prezident Aleksandr Vand der Bellenin ofisi yerləşən keçmiş kral sarayına bomba qoyulması barədə məlumat yayılıb.
APA-nın “Reuters”ə istinadən verdiyi xəbərə görə, artıq hüquq-mühafizə orqanlarının əməkdaşları Hofburq sarayının təxliyəsinə başlayıblar.
Bomba qoyulması barədə xəbərdarlıq elektron məktub vasitəsilə göndərilib.
Hofburq sarayında Avstriya Parlamentinin Aşağı Palatasının debat otağında ATƏT-in qərargahı yerləşir.
Prezidentin ve Baş naziri ofisləri arasındakı meydan da boşaldılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
