Britaniyada 1000-dən çox insanda yeni növ koronavirusa rast gəlinib

Britaniyada 1000-dən çox insanda yeni növ koronavirusa rast gəlinib
  • Clock-gray 22:37
  • calendar-gray 14 Dekabr 2020

Böyük Britaniyada koronavirus infeksiyasının yeni növü aşkarlanıb.

APA-nın Britaniya bürosunun verdiyi xəbərə görə, bu barədə səhiyyə naziri Mettyu Henkok verdiyi açıqlamada deyib.

O bildirib ki, İngiltərənin cənub şərqində yeni növ koronavirusa 1000-dən çox insanda rastlanıb və virusun bu ərazilərdə daha sürətlə yayılmasının səbəbi də koronavirusun bu yeni növüdür.

M.Henkok Ümumdünya Səhiyyə Təşkilatına (ÜST) yeni növ koronavirus barədə məlumat verildiyini və hökumət alimlərinin bunu araşdırdıqlarını bildirib.

“Onu vurğulamaq istərdim ki, yeni növün daha ciddi bir xəstəliyə səbəb olacağını düşündürəcək bir əsas yoxdur”, - deyə nazir qeyd edib.

Qeyd edək ki, 16 dekabrdan etibarən London da daxil olmaqla İngiltərənin cənub şərqindəki bəzi bölgələrdə yenidən karantin qaydaları tətbiq edilməyə başlanacaq.

Aytən Abbaslı

Digər xəbərlər