Çavuşoğlu: “Ukraynanın ərazi bütövlüyü və suverenliyinə dəstəyimiz davam edəcək”

Çavuşoğlu: “Ukraynanın ərazi bütövlüyü və suverenliyinə dəstəyimiz davam edəcək”
  • Clock-gray 14:53
  • calendar-gray 18 Dekabr 2020

Ukraynada səfərdə olan Türkiyənin xarici işlər naziri Mövlud Çavuşoğlu və milli müdafiə naziri Hulusi Akar Ukraynanın Baş naziri Denis Şmıqal ilə görüşüblər.

APA-nın yerli bürosunun xəbərinə görə, görüşdə M. Cavuşoğlu deyib ki, Türkiyə Ukrayna ilə əlaqələrin hərtərəfli inkişafında maraqlıdır.

Görüş çərçivəsində hər iki ölkəyə məxsus şirkətlərin qarşılıqlı dəstək təminatının gücləndirilməsi məsələsinə toxunan Türkiyə XİN başçısı FETÖ terror təşkilatı ilə mübarizədə Ukraynadan dəstək gözlədiklərini vurğulayıb.

O qeyd edib ki, Türkiyənin Ukraynanın ərazi bütövlüyü və suverenliyinə dəstəyi davam edəcək.

Baş nazir D. Şmıqal Ukraynanın ərazi bütövlüyü və suverenliyinə verdiyi dəstəyə görə Türkiyətəşəkkür edib. O qeyd edib ki, Türkiyənin Krım və Donbassla bağlı mövqeyi təqdirəlayiqdir.

Sevil Ünal Hilalqızı

Digər xəbərlər