Çexiyada koronavirusa yoluxanların sayının artması fonunda ölkənin Səhiyyə naziri Adam Voyteç istefa verib.
APA-nın “Reuters”ə istinadən verdiyi xəbərə görə, bu barədə nazir jurnalistlərə açıqlamasında bildirib.
“Ciddi düşündükdən sonra Səhiyyə naziri postundan istefa verməklə bağlı qərar verdim”, - deyə A. Voyteç deyib.
O, ölkədə koronavirusun yayılmasına qarşı yeni həll yollarına dəstək vermək üçün belə bir qərar qəbul etdiyini vurğulayıb.
A. Voyteç bu barədə artıq Baş Nazir Andrey Babişə məlumat verib.
Qeyd edək ki, son həftələrdə Çexiyada koronavirusa yoluxanların sayı kəskin artıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
