Fransada koronavirus qurbanlarının sayı 29 843 nəfərə çatıb, hazırda xəstəxanalara yerləşdirilən virusa yoluxanların sayı 8536 nəfərdir.
APA RİA Novosti-yə istinadən xəbər verir ki, bu barədə ölkənin Səhiyyə Nazirliyi məlumat yayıb.
Bildirilib ki, ölənlərin 19 346 nəfəri xəstəxanalarda, 10 497 nəfəri sosial-tibbi müəssisələrdə qeydə alınıb.
Ötən gün ərzində 152 nəfər xəstəxanaya daxil olub, onlardan 8 nəfəri reanimasiyaya yerləşdirilib. Hazırda reanimasiyada ümumilikdə 602 xəstənin olduğu bildirilir.
Epidemiya başlayandan bəri ölkə üzrə 104,6 min nəfər COVID-19 diaqnozu ilə xəstəxanaya yerləşdirilib, onlardan 18 mindən çoxu reanimasiyadadır.
Yeni virusa yoluxan 76,2 mindən çox insan sağalaraq evə buraxılıb.