Gürcüstanda dəmir yolu ilə sərnişindaşımalar fevralın 27-dən bərpa ediləcək.
APA-nın yerli bürosunun xəbərinə görə, bu barədə Gürcüstanın iqtisadiyyat və davamlı inkişaf naziri Natia Turnava hökumətin iclasından sonra keçirdiyi brifinqdə məlumat verib.
O bildirib ki, iki gün ərzində ölkədə dəmir yolu ilə sərnişindaşımalara dair cədvəl elan ediləcək.
Nazir ölkədəki müsbət epidemioloji dinamikanın qorunması məqsədi ilə vətəndaşları diqqətli olmağa çağırıb.