Gürcüstanın Kaxeti rayonunda meşə yanğını başlayıb.
APA-nın yerli bürosu xəbər verir ki, Axmeta bələdiyyəsinə tabe olan Matani kəndindən 10 km aralıda, dağlıq ərazidə başlayan yanğının söndürülməsi məqsədi ilə əraziyə yanğınsöndürənlər cəlb edilib. Yanğının 3 hektar ərazini əhatə etdiyi bildirilir.
Çətin relyef səbəbi ilə yanğınsöndürmə işlərində ləngimə yaranıb.
Yanğının səbəbi məlum deyil.