Gürcüstanda metro, ticarət mərkəzləri və restoranların fəaliyyəti bərpa edilir

Gürcüstanda metro, ticarət mərkəzləri və restoranların fəaliyyəti bərpa edilir
  • Clock-gray 11:14
  • calendar-gray 27 May 2020

Tbilisidə metronun fəaliyyəti mayın 29-da bərpa ediləcək.

APA-nın yerli bürosu xəbər verir ki, bu barədə Baş nazir Giorgi Qaxaria bildirib.

Qeyd edək ki, koronavirus pandemiyası səbəbi ilə Gürcüstanda avtobusların və metronun fəaliyyəti martın 30-da məhdudlaşdırılıb.

Bundan başqa, Baş nazir bildirib ki, Gürcüstanda bütün ticarət mərkəzləri və hər növ mağazaların fəaliyyəti iyunun 1-dən bərpa ediləcək. Onun sözlərinə görə, həmin tarixdən etibarən ölkə ərazisində açıq havada fəaliyyət göstərən restoranların fəaliyyətini bərpa etməsinə də icazə veriləcək.

Səid Babazadə

Digər xəbərlər